Toshkent metropolitenining barcha bekatlari 27-oktyabr, yakshanba kuni soat 05:00 dan ish faoliyatini boshlaydi. Bu haqda “Toshkent metropoliteni” DUK xabar berdi.
Maʼlum qilinishicha, bu Oliy Majlis Qonunchilik palatasi va mahalliy kengashlar deputatlari saylovi bo‘lib o‘tishi munosabati bilan amalga oshirilmoqda.
Shuningdek, ushbu kunda yo‘nalishlarda poyezdlar harakati ish kunlari uchun tasdiqlangan doimiy jadval asosida tashkillashtiriladi.
Maʼlumot uchun, Toshkent metrosi 2024-yil yakuniga qadar 209 mln yo‘lovchiga xizmat ko‘rsatishi kutilmoqda.
Izoh (0)