O‘zbekistonda Mustaqillik bayrami munosabati bilan 31-avgust hamda 1—3-sentyabr dam olish kunlari etib belgilangan. Bu kunlarda poytaxt metrosi qanday tartibda ishlashi ma’lum qilindi.
“Toshkent metropoliteni” axborotiga ko‘ra, 2024-yil 31-avgust va 1-sentyabr kunlarida metro poyezdlari harakati odatiy ish kunlari uchun belgilangan jadval asosida faoliyat olib boradi.
2—3-sentyabr kunlari esa, metro poyezdlari dam olish kunlari uchun mo‘ljallangan jadval asosida harakatlanadi.
Eslatib o‘tamiz, o‘zbekistonliklar Mustaqillik bayrami munosabati bilan ketma-ket 4 kun dam oladi. 3-sentyabr, seshanba ish haftasining turidan qat’i nazar, barcha xodimlar uchun qo‘shimcha dam olish kuni etib belgilangan. 1-sentyabr — O‘zbekiston mustaqilligi kuni 2024-yilda yakshanba — dam olish kunlariga to‘g‘ri kelishi munosabati bilan ushbu dam olish kuni 2-sentyabr, dushanba kuniga ko‘chiriladi. 31-avgust, shanba — haftasiga 6 kun ishlaydiganlar uchun qo‘shimcha dam olish kuni, 5 kunliklar uchun odatiy dam olish kuni bo‘ladi.
Izoh (0)