Italiyalik mutaxassis Roberto Manchini Saudiya Arabistoni bosh murabbiyligini tark etdi.
Saudiya futbol federatsiyasi Manchini bilan amaldagi shartnomani bekor qildi.
Roberto 2023-yilning avgustidan buyon terma jamoani boshqarib kelayotgandi. Uning qo‘l ostida Saudiya termasi 20 ta o‘yin o‘tkazib, 8 tasida g‘alaba qozongan va 5 ta o‘yinda mag‘lubiyatga uchragan.
Manchini qo‘l ostida jamoa Osiyo Kubogining 1/8 finalidan o‘rin olgan bahsda Janubiy Koreyaga penaltilar seriyasida mag‘lub bo‘lib, musobaqani tark etgandi.
Saudiya Arabistoni JCH—2026 3-saralash bosqichida 4 o‘yindan so‘ng bitta g‘alaba bilan C guruhida 3-o‘rinda bormoqda.
Izoh (0)