Mamlakatdagi o‘zgarishlarga sababchi bo‘lgan Saudiya Arabistonining zamonaviy malikalari qanday ko‘rinishga ega?

Mazkur Saudiya malikalari qirollik va butun dunyoni yaxshilash uchun doimiy ravishda harakat qilishadi.

Malika Rima bintu Bandar ibn Sulton al-Saud

U qirol oilasida o‘sgan, otasi Qirollikning tashqi razvedka xizmati sobiq rahbari edi. Malika Rima ko‘plab sohalarda o‘zini ko‘rsatgan.

2020-yilda u Saudiya Arabistonining AQSHdagi birinchi ayol elchisi etib tayinlanadi. U doimo xotin-qizlarni ish bilan ta’minlash imkoniyatlarini kengaytirishga intiladi.

2018-yilda Xalqaro Olimpiya qo‘mitasi (XOQ), 2017-yilda Saudiya Arabistoni Olimpiya qo‘mitasi aʼzosi bo‘lgan. Malika arab dunyosining ikki yuzta eng nufuzli ayollari ro‘yxatiga kiritilgan.

Malika Adila bintu Abdulloh bin Abdulaziz al-Saud

U Saudiya Arabistonining marhum qiroli Abdullohning qizi.

Malika ayollar erkinligini himoya qiladi va Saudiya ayoli bo‘lish nimani anglatishini o‘zi misolida ko‘rsatib beradi. Malika Jiddadagi Milliy Home Care Charity Trust prezidenti. Shuningdek, u saraton kasalligiga chalingan bolalarni qo‘llab-quvvatlovchi Sanad xayriya tashkilotining asoschisi va raisi hisoblanadi. U mamlakatda xotin-qizlar huquqlari bilan bog‘liq vaziyatni o‘zgartirish, oiladagi zo‘ravonlikni tugatish, qizlarning maktablarda sport bilan shug‘ullanishiga ruxsat berish kabi mavzularga jamoatchilik e’tiborini qaratishga katta hissa qo‘shadi.

Adila, shuningdek, ayollarning mashina haydash huquqi uchun kurashgan.

Malika Mudi bintu Xolid Al Saud

Saudiya Arabistonida hukmronlik qilgan Saudiylar sulolasining vakili, qirol Xolidning qizi.

Malika Mudi 30 yildan ortiq vaqt davomida xayriya ishlarida faol ishtirok etib kelmoqda. U bir nechta taniqli tashabbuslarga, jumladan, “Al-Nadha” ayollar xayriya jamiyati, Daun sindromiga chalinganlar vasiylari assotsiatsiyasi va Qirol Xalid xayriya jamg‘armasiga rahbarlik qilgan.

Uning asosiy maqsadi xotin-qizlar huquq va imkoniyatlarini kengaytirish, ularga o‘z fikrlarini bildirishlari uchun imkoniyat taqdim etishdan iborat.

Malika al-Johara Talal al-Saud

Malika al-Johara marhum shahzoda Talal ibn Abdulazizning qizi.

Tenglik uchun kurashi bilan tanilgan malika al-Johara “Atlal Almajd” raisi sifatida ishlaydi. Ushbu tashkilot global biznes innovatsiyalarini rag‘batlantirishga qaratilgan keng ko‘lamli xizmatlarni taklif etadi. U qator xalqaro tadbirlarda, jumladan, Ayollar imkoniyatlarini kengaytirish sammitida ishtirok etgan. U Saalima — hayvonlarni himoya qilish uyushmasining asoschisi va boshqaruv kengashi a’zosi sifatida yosh ayollarni ilhomlantiradi.

Malika Lamiya bintu Majid al-Saud

Yozuvchi va xayriyachi Lamiya bintu Majid shahzoda Majid ibn Saud al-Saudning qizi.

Malika Lamiya — Birlashgan Millatlar Tashkilotining yaxshi niyat elchisi va “Al-Valid” xayriya tashkiloti bosh kotibi. U hayotini boshqalarga xizmat qilishga bag‘ishlagan va ko‘plab sohalarda ayollarni himoya qiladi.

U mahalliy rassomlar va boshqa iste’dodli odamlarni rag‘batlantiradi hamda Alwaleed Philanthropies xayriya tashkiloti orqali ayollarga orzularini ro‘yobga chiqarishga yordam beradigan muvaffaqiyatli loyihalarni moliyalashtiradi.

Malika Sora bintu Saud ibn Saad al-Saud

Sora Saud xonadoni aʼzosi va Saudiya Arabistoni qiroli Abdulloh ibn Abdulaziz al-Saudning nabirasi.

Mashhur tadbirkor Sora moda va xayriya olamida mashhur. U turmush o‘rtog‘i shahzoda Abdulaziz bin Talal al-Saud bilan hamkorlikda Ahyaha Foundation’ga asos solgan. Uning maqsadi ta’lim loyihalari orqali jamiyatni rivojlantirishdir. Malika Sora xayriya sa’y-harakatlari doirasida 2017-yilda Mentor Foundation USA – International’ning faxriy elchisi bo‘lgan. Malika Sora, shuningdek, bir qator moda brendlarining asoschisi, jumladan, SO By Sora ham unga tegishli.

Malika Fahda bintu Bander ibn Abdulloh al-Saud

Malika Fahda sayohatga bo‘lgan muhabbatini gullab-yashnayotgan biznesga aylantiradi. U biznesdagi hamkori Manayer al-Sharx bilan birgalikda tajribaga asoslangan sayohat bo‘yicha maslahatchi The Traveling Panther’ga, 2015-yilda sayohatlarini rejalashtirishda yordam beradigan saytga asos solgan. Malikaning fotografiyaga ishtiyoqi baland va sayohatlaridagi suratlar bilan o‘rtoqlashadi. Sevimli mashg‘uloti unga veb-sayti uchun materiallar bilan ta’minlaydigan hamkasblar, jumladan, fotosuratchilar va rassomlar bilan uchrashishga imkon beradi.