Saudiya Arabistonining Ar-Riyod shahrida joylashgan Kingdom Arena majmuasida professional boks oqshomi tashkil etildi.
Markaziy jangda yarim og‘ir vazn toifasida WBC, WBO va IBF kamarlari sohibi, rossiyalik Artur Beterbiyev mazkur vazn toifasida WBA va IBO kamarlari sohibi bo‘lib turgan hamyurti Dmitriy Bivolga qarshi ringga ko‘tarildi.
Jang 12 raund davom etdi va Beterbiyevning g‘alabasi bilan yakunlandi. Ushbu bahsda 114-114, 115-113, 116-112 hisobida Beterbiyev professional boksdagi 21-g‘alabasini nishonladi.
Jangdan so‘ng ikkala bokschi ham o‘z fikrlari bilan o‘rtoqlashdi.
Mutlaq jahon chempioniga aylangan Artur Beterbiyev:
Unga revansh berishga tayyorman. Faqat yarim yildan oldin emas. Ha, aytgancha, Saudiya Arabistoni hukumati ham buni xohlasa, albatta”.
Dmitriy Bivol:
“Hozir o‘z xonamga borib, o‘tirib o‘ylab olmoqchiman. Qayd daftarchamga yaqin oylardagi rejalarimni yozaman. Jangni qayta ko‘rish niyatim yo‘q.
Beterbiyevning qo‘li ko‘tarilgandavi holatim? Hammasi joyida. Endi keyin haqida o‘ylash kerak”.
Izoh (0)