Vyetnam Milliy assambleyasi general Luong Kuongni mamlakatning yangi prezidenti etib sayladi. Bu haqda Vietnam News xabar berdi.
Qayd etilishicha, assambleyaning barcha 440 a’zosi Kuong uchun ovoz bergan.
Milliy assambleya rezolyutsiyani qabul qilgandan so‘ng, yangi prezident Luong Kuong qasamyod qilish marosimini boshlaydi. Sobiq prezident To Lam Vyetnam Kommunistik partiyasi Markaziy qo‘mitasining yangi bosh kotibi bo‘ldi va shu munosabat bilan prezidentlik lavozimini tark etdi.
67 yoshli Kuong 1975-yilda harbiy xizmatga kelgan. Kuong siyosiy komissar, Armiya okrugi bosh boshqarmasi boshlig‘ining o‘rinbosari va Vyetnam Bosh siyosiy boshqarmasi raisi bo‘lib ishlagan.
Avvalgi prezidentlik saylovi joriy yilning may oyida bo‘lib o‘tgan edi. O‘shanda mamlakat kommunistik partiyasi markaziy qo‘mitasi siyosiy byurosi a’zosi To Lam mamlakatning yangi prezidenti etib tayinlangandi.
Avvalroq Vyetnam delegatsiyasi Qozondagi BRIKS sammitida ishtirok etishi maʼlum bo‘lgan edi. Vyetnamlik siyosatshunos Chjan Dinning fikricha, global janubda rivojlanayotgan mamlakatlarning roli va mavqeini oshirishga qaratilgan BRIKSning rivojlanish yo‘nalishi Xanoy manfaatlariga mos keladi. Agar u tashkilotga qo‘shilsa, Vyetnam iqtisodiy sohadagi loyiha va tashabbuslarda ishtirok etish orqali yirik kapital manbalari va bozorlarga kirish imkoniyatiga ega bo‘lishi mumkin.
Izoh (0)