Rossiya va Tailand terma jamoalari o‘rtasidagi o‘rtoqlik uchrashuvi bekor qilindi. Bu haqda Rossiya futbol ittifoqi (RFU) sayti xabar berdi.
Xanoydagi “Mi Din” stadionidagi uchrashuv 7-sentyabr kuni bo‘lib o‘tishi kerak edi. Biroq “Yagi” to‘foni tufayli uchrashuv avvaliga qoldirildi, keyin esa bekor qilindi. "Qaror yuqori darajadagi yog‘ingarchilik miqdori va keyingi kun uchun ob-havo prognozini hisobga olgan holda qabul qilindi”, deyiladi RFU bayonotida.
5-sentyabr kuni Xanoyda Rossiya terma jamoasi Vyetnam terma jamoasiga qarshi o‘rtoqlik uchrashuvi o‘tkazdi. O‘yin mehmonlarning yirik 3:0 hisobidagi g‘alabasi bilan yakunlandi. Gollarga yarim himoyachi Daler Kuzyayev va hujumchi Tamerlan Musayev, avtogolga esa mezbonlar himoyachisi Van Tan Vu mualliflik qildi.
Ma’lumot uchun, Rossiya futbol klublari va terma jamoalari Xalqaro futbol federatsiyasi va Yevropa futbol assotsiatsiyalari ittifoqi qarori bilan xalqaro turnirlarda qatnashmaydi. Ruslar faqat o‘rtoqlik o‘yinlari o‘tkazishi mumkin.
Izoh (0)