Vyetnam Kommunistik partiyasi markaziy qo‘mitasi siyosiy byurosi a’zosi To Lam mamlakatning yangi prezidenti etib saylandi. Bu haqda VNA agentligi xabar berdi.
Yangi prezident Vyetnam milliy assambleyasi (bir palatali parlament) tomonidan saylangan. To Lamni prezidenti etib saylash to‘g‘risidagi rezolyutsiyani majlisda qatnashgan Milliy assambleyaning 473 deputatdan 472 nafari qo‘llab-quvvatlagan.
Siyosatchining mamlakat prezidenti lavozimiga nomzodi Vyetnam Kommunistik partiyasi markaziy qo‘mitasi tomonidan 16–18-may kunlari Xanoyda bo‘lib o‘tgan navbatdagi plenumda ma’qullangandi. 21-may kuni Milliy assambleya Vyetnam prezidenti etib saylanishi uchun general To Lamni jamoat xavfsizligi vaziri lavozimidan ozod qilgandi.
2024-yilning mart oyida Vyetnam Sotsialistik respublikasi Milliy assambleyasining tasdiqlangan qaroriga muvofiq, Vo Van Txiong prezident lavozimidan ozod etilganidan keyin davlat rahbari lavozimi bo‘sh qolgandi.
Izoh (0)