Turkcha raqs. Erdo‘g‘onning Sharq va G‘arb o‘rtasidagi o‘yiniga kim qarsak chalmoqda?

Dunyo tartiboti chok-chokidan so‘kilib, yangi qutblar, kuch markazlari, ittifoqlar-u alyanslar paydo bo‘layotgan bir davrda qaysidir mamlakatning qaysidir tashkilotga qo‘shilgani yoki chiqqani haqidagi xabarlarga ko‘nikib ham qoldik. Ammo so‘nggi yillarda O‘zbekiston bilan tobora yaqinlashib borayotgan Turkiyaning har qanday siyosiy qarori biz uchun shunchaki oddiy yangilik emas. Qardoshlarimizning qaysi lagerga mansubligi bizning logistikamizga to‘g‘ridan to‘g‘ri ta’sir qilishi mumkin. Turkiyaning BRIKSga a’zo bo‘lish uchun bergan arizasi nimaga ishora qilmoqda? Turklar Yevropa Ittifoqi ostonasidan ortga qaytadimi? “Daryo” ana shu mavzuda siyosatshunos Abduvali Soyibnazarov bilan suhbatlashdi