Vyetnam prezidenti Vo Van Thung iste’foga chiqdi va hukmron Vyetnam Kommunistik partiyasi (VKP) Markaziy qo‘mitasi uni qabul qildi. Bu haqda Vyetnam OAVlariga tayanib “Report.az” xabar bermoqda.
“Mamlakatda yirik hukumat qarorlarini qabul qiluvchi Vyetnam Kommunistik partiyasi Markaziy qo‘mitasi shaxsiy sabablarga ko‘ra Vo Van Thungning iste’foga chiqishini ma’qulladi”, deyiladi xabarlarda. Bu bo‘yicha boshqa hech qanday tafsilotlar keltirilmagan.
Vo Van Thung taxminan bir yil oldin Vyetnam prezidenti sifatida ish boshlagandi. Uning prezidentlik muddati mamlakatning yaqin tarixidagi eng qisqa muddat bo‘ldi.
Shuningdek, u Siyosiy byuro a’zosi va VKP Markaziy qo‘mitasining doimiy a’zosi bo‘lishni to‘xtatdi. Endilikda prezidentning iste’fosi Vyetnam Milliy assambleyasi (bir palatali parlament) tomonidan ham tasdiqlanishi kerak.
Qayd etilishicha, Vo Van Thung partiya nizomining bir qancha bandlarini buzgan va shu tufayli jamoatchilikning salbiy munosabatiga sabab bo‘lgan.
Izoh (0)