Isroil mudofaa kuchlari Livandan mamlakat hududiga “Hizbulloh” harakati tomonidan uchta raketa va ikkita dron uchirilganini qayd etdi. Bu haqda armiya matbuot xizmati xabar berdi.
“Livan hududidan Isroilga uchgan uchta raketa odamlar yashamaydigan hududga qulagani qayd etildi. Bundan tashqari, “Hizbulloh”ning ikkita droni Livandan Isroilga uchib, mamlakat shimolidagi Hanita hududida portlagan”, — deyiladi xabarda.
“Javob sifatida Isroil armiyasi Livan janubiga artilleriya zarbalari berdi”, — deya qo‘shimcha qildi armiya matbuot xizmati.
Avvalroq Eron yaqin 48 soat ichida Isroilga hujum qilishi mumkinligi xabar qilingandi. Bunga sabab sifatida Isroilning 1-aprel kuni Eronning Damashqdagi konsulligiga uyushtirgan hujumi keltirilgan.
Izoh (0)