Toshkent shahridagi qurilish maydonida elektr energiyasidan o‘zboshimchalik bilan foydalangan MCHJ aniqlandi. Bu haqda “O‘zenergoinspeksiya” matbuot xizmati xabar berdi.
Maʼlum qilinishicha, Uchtepa tumanida faoliyat yuritayotgan “B.D.” MCHJ masʼullari qurilish maydonidagi elektr qurilmalarini shartnomalarsiz tarmoqqa o‘zboshimchalik bilan ulab, 737,9 mln so‘mlik elektr energiyasidan noqonuniy foydalangani aniqlandi.
Holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Avvalroq Qashqadaryodagi tibbiyot muassasasida 2,1 mlrd so‘mlik “svet”dan noqonuniy foydalanilgani aniqlangani haqida xabar berilgandi.
Shuningdek, Surxondaryoda temir-beton mahsulotlarini ishlab chiqaruvchi zavod 351,6 mln so‘mlik “svet”dan noqonuniy foydalangan.
Izoh (0)