“Hududiy elektr tarmoqlari” AJ Jizzax hududiy filiali Sharof Rashidov tumanida sodir bo‘lgan yo‘l-transport hodisasi yuzasidan ma’lumot berdi.
Ijtimoiy tarmoqlarda Sharof Rashidov tumani “So‘g‘diyona” MFY hududida Gentra avtomobili transformatorga urib ketishi oqibatida elektr taʼminotida uzilish bo‘lgani to‘g‘risida xabar tarqaldi.
“Hududiy elektr tarmoqlari” AJ Jizzax hududiy filiali xabariga ko‘ra, “So‘g‘diyona” MFY hududidagi “Gandumtosh” tarmog‘idan chiquvchi 257-sonli transformatorni Gentra avtomobili urib ketishi oqibatida elektr taʼminoti uzilgan. Haydovchiga tan jarohati yetmagan.
Ayni paytda voqea joyiga tuman elektr taʼminoti korxonasi masʼullari tomonidan zaxira transformatori olib kelinib, transformatorni almashtirish va elektr taʼminotini tiklash ishlari olib borilmoqda.
“Holat yuzasidan huquq tartibot organlari tomonidan o‘rganish ishlari olib borilmoqda”, — deyiladi xabarda.
Bundan oldin Andijonda odam urib, qochib ketgan haydovchi ushlangani, Toshkentda Yutong avtobusi 47 yoshli piyodani urib yuborgani, Toshkent viloyatida avtobus bilan to‘qnashgan Cobalt yonib ketgani to‘g‘risida xabar berilgandi.
Izoh (0)