Тошкент шаҳридаги қурилиш майдонида электр энергиясидан ўзбошимчалик билан фойдаланган МЧЖ аниқланди. Бу ҳақда “Ўзэнергоинспекция” матбуот хизмати хабар берди.
Маълум қилинишича, Учтепа туманида фаолият юритаётган “Б.Д.” МЧЖ масъуллари қурилиш майдонидаги электр қурилмаларини шартномаларсиз тармоққа ўзбошимчалик билан улаб, 737,9 млн сўмлик электр энергиясидан ноқонуний фойдалангани аниқланди.
Ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Аввалроқ Қашқадарёдаги тиббиёт муассасасида 2,1 млрд сўмлик “свет”дан ноқонуний фойдаланилгани аниқлангани ҳақида хабар берилганди.
Шунингдек, Сурхондарёда темир-бетон маҳсулотларини ишлаб чиқарувчи завод 351,6 млн сўмлик “свет”дан ноқонуний фойдаланган.
Изоҳ (0)