Kataloniyaning “Barselona” klubi hujumchisi Robert Levandovski Chempionlar Ligasida gol urishning o‘rtacha ko‘rsatkichi bo‘yicha 0,79 gol nisbati bilan eng yaxshi futbolchiga aylandi. Bu haqda taniqli Opta Jose statistik portali X (sobiq Twitter) ijtimoiy tarmog‘ida xabar berdi.
Manbaga ko‘ra, polshalik futbolchi mashhur hujumchilar Krishtianu Ronaldu (0,77) va Rud van Nistelroy (0,77) dan o‘zib ketgan. Shuningdek, argentinalik Lionel Messi bilan (0,79) tenglashgan. Fransiyalik hujumchi Karim Benzema beshinchi o‘rinda (0,59) joylashgan.
Levandovski Chempionlar Ligasidagi faoliyati davomida 122 o‘yinda 96 ta gol urgan. U bu gollarni uchta klub — “Barselona”, “Bavariya” va “Borussiya Dortmund” safida urgan.
Ma’lumot uchun, UEFA Chempionlar ligasining 2024—2025-yilgi mavsumi guruh bosqichi 2-tur uchrashuvida “Barselona” jamoasi Shveysariyaning “Yang Boyz” jamoasini 5:0 hisobida mag‘lub etdi. Polshalik futbolchi ushbu bahsda dubl qayd etdi.
Izoh (0)