“PSJ” hujumchisi Kilian Mbappe 10-aprel kuni “Barselona”ga qarshi Chempionlar Ligasi 1/4 final uchrashuvi oldidan Fransiya grandining mavsumdagi o‘yinlari haqida gapirdi.
“Har doimgidek hozirgi davr mavsumda burilish nuqtasi hisoblanadi. Aprel oyi oxirida biz ushbu mavsum qanday o‘tayotgani haqida tasavvurga ega bo‘lamiz. Ishonchim komilki, natija uchun bor kuchimizni beramiz. Hammasi Xudoning qo‘lida!” — deb Mbappening so‘zlarini keltirgan Telefoot nashri X (sobiq Twitter) ijtimoiy tarmog‘ida.
Eslatib o‘tamiz, “PSJ” — “Barselona” uchrashuvi Parijdagi “Park de Prens” stadionida bo‘lib o‘tadi. Javob oyini bahsi 16-aprel kuni Barselonada bo‘lib o‘tadi.
Joriy mavsumda Mbappe barcha musobaqalarda 40 ta o‘yinda qatnashib, 39 ta gol va 9 ta golli uzatmani amalga oshirdi.
Izoh (0)