Futbol bo‘yicha Ispaniya chempionatining 8-turida “Barselona” va “Sevilya” jamoalari 29-sentabr, juma kuni o‘zaro bahs olib bordi.

Uchrashuvning 76-daqiqasida Lamin Yamalning bosh bilan urgan zarbasini Serxio Ramos o‘z darvozasiga yo‘naltirib yubordi. Natijada ushbu gol o‘yinda yagonaligicha qoldi va kataloniyaliklarga g‘alaba keltirdi. 

“Ko‘k-anorranglilar” 20 ochko bilan musobaqa jadvalida yetakchiga aylanib oldi. “Jirona” (19 ochko) va “Real” (18) ushbu turda o‘zaro bahs olib boradi. 

La Liga

8-tur bahsi

29-sentabr, juma

“Barselona” – “Sevilya” 1:0

Gol: 1:0 – 76 Ramos (avtogol).

“Barselona”: ter Stegen, Joau Kanselu, Kristensen, Kunde, Balde, Gundo‘g‘an, Gavi, Rafinya (Lopes, 37), Joau Feliks (Ferran Torres, 71), Yamal (Romeu, 82), Levandovski.

“Sevilya”: Nyuland, Ramos, Bade, Pedrosa (Suso, 82), Rakitich, Lamela (Mariano Dias, 75), Okampos, Jordan, Sou (Fernando, 66), Xuanlu Sanches (Navas, 82), Lukebakio (Akunya, 75).

Ogohlantirishlar: Joau Kanselu (45), Xuanlu Sanches (50), Lamela (52), Bade (89), Gundo‘g‘an (90).