“Barselona”ning polshalik hujumchisi Robert Levandovski hozirda kimlarni dunyoning eng yaxshi futbolchilari deb bilishini aytdi.
“Buni aytish qiyin, chunki bizni hali Yevropa chempionati va Chempionlar Ligasining hal qiluvchi o‘yinlari kutib turibdi. Ammo hozirda Kilian Mbappe va Jud Bellinghem men uchun dunyoning eng ko‘zga ko‘ringan o'yinchilaridir”, — deya Levandovski so‘zlarini keltiradi Marca.
Levandovski “Barselona”da 2022-yildan buyon o‘ynab kelmoqda. Hujumchining klub bilan shartnomasi 2026-yilgacha mo‘ljallangan. Ayni damda futbolchining transfer qiymati 15 million yevroga baholanmoqda.
Joriy mavsumda Levandovski barcha musobaqalarda 43 ta uchrashuvda qatnashib, 20 ta gol va 9 ta golli uzatmani amalga oshirdi.
Izoh (0)