Mazkur filmlarni qiziqish bilan tomosha qilgan bo‘lsangiz ham, “Dedpul-2” filmidagi Bred Pitt, “Yulduzlar jangi” filmidagi Deniyel Kreygni payqamagan bo‘lishingiz mumkin.
“Forrest Gamp”dagi Kurt Rassell
- AQSH, 1994-yil.
- Drama, melodrama.
- Davomiyligi: 2 soat 22 daqiqa.
- IMDb: 8.8.
Forrest Gamp avtobus bekatida o‘tirib, notanish odamlarga hayotini so‘zlab beradi. U bolaligidan ko‘plab qiyinchiliklarni yengib o‘tishga majbur bo‘lgan. Ajablanarlisi shundaki, Forrest har qanday ishni boshlasa, unda muvaffaqiyatga erishgan: urush qahramoniga aylangan, hatto stol tennisi bo‘yicha chempion ham bo‘lgan. Ammo barcha bu yillar davomida u birinchi sevgisini unutmagan.
Tom Henksning ushbu filmda yaratgan obrazini hamma eslaydi. “Santa-Barbara” serialining ko‘plab muxlislari esa Robin Raytni bu filmda ko‘rib, ajablangan bo‘lishsa kerak. Ammo filmda Kurt Rassel ham ishtirok etgan, faqat buni tomoshabinlar payqashmagan. Filmda Elvis Presli ham ko‘rinish beradi — u o‘sha mashhur raqsini aynan Forrestdan o‘rgangan. Butun dunyoga mashhur qo‘shiqchini uncha taniqli bo‘lmagan Piter Dobson o‘ynagan, lekin ovozini Kurt Rassel bergan — uning ovozi ko‘proq mos kelgan.
Qizig‘i shundaki, “Forrest Gamp” rejissyori Robert Zemekis va Rassel uzoq vaqt davomida buni sir saqlashgan va aktyorning ismini hatto titrlarga ham kiritishmagan. Faqatgina 2016-yilda aktyor bu sirni o‘zi oshkor qilgan.
“Suspiriya”dagi Tilda Suinton
- Italiya, AQSH, 2018 yil.
- Dahshat, triller.
- Davomiyligi: 2 soat 32 daqiqa.
- IMDb: 6.7.
1977-yilda amerikalik raqqosa mashhur balet maktabiga kirish uchun Germaniyaga keladi. Uni qabul qilishadi, lekin tez orada studiyada qandaydir dahshatli voqealar sodir bo‘layotgani ma’lum bo‘ladi — bu muassasada ishlovchi o‘qituvchilar qadimgi ma’budalarga sig‘inuvchi jodugarlar ekan.
Filmda Tilda Suinton birdaniga ikkita muhim rolni o‘ynagan. Aslida esa aktrisa uchta obrazda namoyon bo‘ladi: Madam Blank, Helena Markos va doktor Jozef Klemperer. Suintonni doktor roli uchun ajabtovur plastik grim yordamida keksa erkakka aylantirishgan. Titrlarda ham Klemperer rolini “professional psixoanalitik, proffessor Luts Ebersdorf ” ijro etgani ko‘rsatilgan.
Bred Pitt “Dedpul-2” filmida
- AQSH, Kanada, 2018-yil.
- Ilmiy fantastika, harakat, komediya.
- Davomiyligi: 1 soat 59 daqiqa.
- IMDb: 7.6.
Sevgilisi o‘ldirilganidan so‘ng, Dedpul chuqur depressiyaga tushib qoladi. Ammo u kelajakdan kelgan, mutatsiyaga uchragan Keybl bilan to‘qnash kelishga majbur bo‘ladi. Keybl superqobiliyatlarga ega bir o‘smirni o‘ldirishni rejalashtiradi, chunki go‘yoki bola kelajakda yovuzlikka aylanadi. Dedpul hatto Keybl bilan jang qilish uchun jamoa tuzishga majbur bo‘ladi, lekin rejalar kutilganidek o‘xshamaydi.
“Dedpul-2” filmida ko‘plab qiziqarli epizodlar mavjud, hattoki Mett Deymon ham tanib bo‘lmaydigan grimda paydo bo‘ladi. Ammo eng kulgili obraz — ko‘rinmas odam. U aslida qanday ko‘rinishda ekanini tomoshabin faqat qahramonning o‘limi sahnasida bir necha soniyaga ko‘radi. Va bu odam — Bred Pitt ekanligi ma’lum bo‘ladi.
Rayan Reynolds Pittni bunday kichik rolga tushishga ko‘ndirgan. Qizig‘i shundaki, Pittning gonorari faqat bir chashka qahva bo‘lgan. Ammo u shart qo‘ygan: ichimlikni shaxsan Rayan Reynoldsning o‘zi olib kelishi kerak edi. Shu tarzda kelishuv amalga oshgan.
“Dunkerk”dagi Maykl Keyn
- Buyuk Britaniya, AQSH, Fransiya, Niderlandiya, 2017 yil.
- Harbiy, drama.
- Davomiyligi: 1 soat 46 daqiqa.
- IMDb: 7.8.
Ikkinchi jahon urushi paytida minglab ingliz, fransuz va belgiya askarlari Dunkerk shahri atrofida tuzoqqa tushib qolishadi. Ular faqat suv orqali qutulishlari mumkin, lekin katta kemalar qirg‘oqqa yaqinlasha olmaydi. Film voqealari uch xil rakursdan noan’anaviy tarzda yoritiladi: quruqlikda bir hafta davomida, suvda bir kun va osmonda bir soatlik vaqt oralig‘ida ko‘rsatiladi.
Rejissyor Kristofer Nolan bir xil aktyorlar bilan ishlashni yoqtirishi bilan tanilgan. Masalan, Killiann Myorfi va Tom Hardini tez-tez filmlarida ko‘rish mumkin, ular “Dunkerk” filmida ham rol o‘ynashgan. Ammo Nolan filmlarining asosiy “ramzi” — Maykl Keyn, u rejissyorning barcha asarlarida, “Betmen” trilogiyasining birinchi qismidan boshlab aktyorlik faoliyatini tark etgunga qadar ishtirok etgan.
“Dunkerk”da Keyn biror marta ham kadrlarda ko‘rinmaydi. Ammo aktyor baribir bu filmga yashirincha qo‘shilgan. U filmda Hardi ijro etgan uchuvchiga radio orqali buyruq beradi. Nolan buni 1969-yilda suratga olingan “Angliya uchun jang” filmiga ishora deb biladi, chunki o‘sha filmda Keyn eskadrilya qo‘mondoni rolini ijro etgandi.
“Yulduzlar jangi: so‘nggi jeday”dagi Deniyel Kreyg
- AQSH, 2017 yil.
- Fantastika, sarguzasht, jangari.
- Davomiyligi: 2 soat 32 daqiqa.
- IMDb: 6.9.
Rey jedaylar mahoratini o‘rganish uchun Lyuk Skayuolkerdan ta’lim olishga yo‘l oladi, ammo Lyuk yangi shogirdidan mutlaqo mamnun emas. Shu bilan birga, Soprativ kuchlari malika Leyaning boshchiligida Birinchi Orden qo‘shinlariga qarshi oxirgi imkoniyatlaridan foydalanib kurashishadi.
“Yulduzlar jangi” 2015-yilda qayta boshlanganidan beri turli epizodlar franshizaning qiziqarli jihatlaridan biriga aylandi. Masalan, filmda shahzoda Garri va shahzoda Uilyam ham ko‘rinish beradi, ammo ularni tanib bo‘lmaydi, chunki ular Imperiya askarlari shlemlarida chiqadi. Shu kabi aktyor Deniyel Kreyg ham askar obrazida suratga tushgan.
Izoh (0)