25-sentyabr kuni poytaxtdagi to‘yxonalardan birida xonanda Afruzaning nikoh kechasi bo‘lib o‘tdi. Nikoh oqshomida o‘zbek kinosi va musiqa san’atining ko‘plab taniqli vakillari ishtirok etdi.
Yosh xonandaning turmush o‘rtog‘i Behruz Ahmedov o‘zbek milliy akademik drama teatri aktyori Botir Muhammadjonovning o‘g‘li. U ssenarist va musiqiy prodyuser sifatida faoliyat yuritadi. Behruz bundan bir necha kun avval Afruza bilan AQSH safari chog‘ida uning qo‘lini so‘ragan edi.
Ma’lumot uchun, Afruza taxallusi bilan tanilgan xonanda Dilafruz Rustamova taniqli xonanda Shahlo Rustamovaning qizi. U Cover up loyihasidagi ishtirokidan so‘ng yakkaxon ijodni boshlagan va bir nechta hit taronalari bilan muxlislar e’tiborini qozongan.
To‘y xizmatlariga chiqmaydigan Alisher Uzoqov Afruza va Behruzning unutilmas kunida istisno tarzida hit qo‘shig‘i — “Atirgul” qo‘shig‘i bilan davrani ochib berdi.
O‘zbek milliy akademik drama teatri jamoasi to‘yda to‘liq ishtirok etib, yoshlarga baxt tiladi.
Izoh (0)