“Atletiko Madrid” klubining 33 yoshli hujumchisi Antuan Grizmann Fransiya terma jamoasidagi faoliyatini yakunlaganini rasman e’lon qildi.
“Xotiralarga to‘la yurak bilan hayotimning ushbu bobini yopaman. Ajoyib uch rangli sarguzasht uchun rahmat va tez orada ko‘rishguncha”, deb yozdi Grizmann ijtimoiy tarmoqdagi sahifasida.
Ma’lumot uchun, Grizmann Fransiya terma jamoasidagi debyutini 2014-yilning mart oyida o‘tkazgan edi. Hujumchi terma jamoa safida 137 ta o‘yin o‘tkazib, 44 ta gol urgan. 2018-yilda Antuan Fransiya terma jamoasi bilan Jahon chempioni bo‘ldi, 2021-yilda esa UEFA Millatlar Ligasida g‘olib chiqdi.
Joriy mavsumda Grizmann “Atletiko” safida barcha musobaqalarda sakkizta o‘yin o‘tkazib, uchta gol urdi va to‘rtta golli uzatmani amalga oshirdi.
Izoh (0)