Futbol bo‘yicha Yevropa Chempionlar Ligasining chorak finalidan o‘rin olgan ikki o‘yin 10-aprel, chorshanba kuni bo‘lib o‘tdi.
“Barselona” safarda “PSJ” mehmoni bo‘ldi. Uchrashuvning 37-daqiqasida Rafinya kataloniyaliklarni hisobda oldinga olib chiqdi.
Ikkinchi bo‘lim boshida esa Usmon Dembele kuchli zarba bilan hisobni tenglashtirdi. 50-daqiqada esa Vitinya Parij klubinining ikkinchi goliga mualliflik qildi. 62-daqiqada Pedrining ajoyib uzatmasidan so‘ng Rafinya muvozanatni tikladi. 77-daqiqada esa endigina maydonga tushgan Kristensen burchak zarbasidan uzatilgan to‘pni boshi bilan darvozaga joylab qo‘ydi.
Qolgan daqiqalarda darvozalar ishg‘ol etilmadi va “ko‘k-anorranglilar” 3:2 hisobida g‘alaba qozonib, javob o‘yini uchun qulay imkoniyatni yaratib oldi.
Yana bir chorak final bahsida “Atletiko” “Borussiya D”ni qabul qildi va 2:1 hisobida zafar quchdi. “Matraschilar” safida de Pol va Linolar gol muallifi bo‘lgan bo‘lsa, dortmundliklar tarkibida Sebastyan Aller javob golini urdi.
Ikkala juftlikning ham javob o‘yinlari 16-aprel sanasida bo‘lib o‘tadi.
YCHL
1/4 final
10-aprel, chorshanba
“PSJ” – “Barselona” 2:3
Gollar: 0:1 – 37 Rafinya, 1:1 – 48 Dembele, 2:1 – 50 Vitinya, 2:2 – 62 Rafinya, 2:3 – 77 Kristensen.
“PSJ”: Donnarumma, Markinyos, Ernandes, Lukas Beraldo, Mendesh, Fabian Ruis (Gonsalu Ramush, 85), Vitinya, Li Kan In (Zair-Emeri, 61), Dembele, Asensio (Barkolya, 46), Mbappe.
“Barselona”: ter Stegen, Kunde, Arauxo, Kubarsi, Joau Kanselu, Serji Roberto (Pedri, 61), Gundo‘g‘an (Lopes, 86), de Yong (Kristensen, 76), Rafinya (Ferran Torres, 76), Yamal (Joau Feliks, 61), Levandovski.
Ogohlantirishlar: Serji Roberto (34), Vitinya (65), Kubarsi (82), Kristensen (88), Lopes (89), Lukas Beraldo (89).
“Atletiko” – “Borussiya D” 2:1
Gollar: 1:0 – 4 de Pol, 2:0 – 32 Lino, 2:1 – 81 Aller.
“Atletiko”: Oblak, Molina, Aspilikueta, Ximenes, Vitsel, Saul, Koke, de Pol (Korrea, 80), Lyorente, Grizmann, Morata (Barrios, 64), Lino.
“Borussiya D”: Kobel, Ryuerson, Hummels, Shlotterbek, Matsen, Zabitser (Roys, 84), Jan (Ozjan, 84), Nmecha (Brandt, 46), Sancho, Adeyemi (Bayno-Gittens, 73), Fyullkrug (Aller, 60).
Ogohlantirishlar: Jan (24), Lino (27), Lyorente (28), Matsen (53), Ximenes (75).
Izoh (0)