“Atletiko” muxlislari derbi oldidan “Real” muxlisi bo‘lgan qora tanli ayolga hujum uyushtirib, uni haqorat qildi

“Atletiko” muxlislari “Real”ga qarshi derbi oldidan “qaymoqranglilar” muxlisi bo‘lgan ayol va uning farzandini qo‘rqitdi.

Carrusel Deportivo xabariga ko‘ra, voqea “Vanda Metropolitano” stadioni yaqinida sodir bo‘lgan. “Atletiko” muxlislari “Real” vingeri Vinisius Juniorning libosini kiygan qora tanli ayol va uning farzandiga hujum qilgan. Muxlislar ayolga nisbatan haqoratlar ishlatgan. Jabrlanuvchilar qo‘rquvdan yig‘lab yuborgan.

Hozircha “matraschilar” muxlislari ushlangani va ularga qanaqa jazo berilishi haqida ma’lumotlar yo‘q. 

Eslatib o‘tamiz, o‘tgan mavsumda “Atletiko” muxlislari Ispaniya Kubogi bahsidan avval “Real” mashg‘ulotlar bazasidan uzoq bo‘lmagan joydagi ko‘prikka Vinisius libosi kiydirilgan qo‘g‘irchoqni ilib ketgan edi.