Futbol bo‘yicha Ispaniya La Ligasining 6-turida “Real” va “Atletiko” jamoalari 24-sentabr, yakshanba kuni o‘zaro bahs olib bordi.
Madrid derbisining 4-daqiqasida hisob ochildi. Alvaro Morata sobiq jamoasi darvozasini ishg‘ol qildi. 18-daqiqada esa Grizmann ham o‘z hisobiga gol yozdirib qo‘ydi. 35-daqiqada Toni Kroos ajoyib zarbasini bilan hisobni qisqartirdi.
Ikkinchi bo‘limni ham “matraschilar” gol bilan boshladi. 46-daqiqada Morata yana bosh bilan gol urib, dublni rasmiylashtirdi. Qolgan daqiqalarda darvozalar ishg‘ol etilmadi va Diyego Simeone shogirdlari g‘alabani rasmiylashtirdi.
“Real” mavsumdagi ilk mag‘lubiyatini qabul qilib oldi va 15 ochko bilan 3-pog‘onadan joy oldi. “Atletiko” esa 10 ochko bilan 5-o‘ringa ko‘tarildi.
La Liga
6-tur bahsi
24-sentabr, yakshanba
“Atletiko” – “Real” 3:1
Gollar: 1:0 – 4 Morata, 2:0 – 18 Grizmann, 2:1 – 35 Kroos, 3:1 – 46 Morata.
“Atletiko”: Oblak, Molina (Aspilikueta, 65), Savich, Ximenes (Korrea, 86), Ermoso, Koke (Vitsel, 46), Saul, Lyorente, Lino (Galan, 87), Grizmann, Morata (Depay, 82).
“Real Madrid”: Arrisabalaga, Alaba, Ryudiger, Fran Garsiya (Mendi, 57), Valverde, Kroos (Braim Dias, 70), Modrich (Xoselu, 46), Kamavinga (Tchuameni, 57), Vaskes (Nacho, 57), Bellinghem, Rodrigo.
Ogohlantirishlar: Modrich (45), Ximenes (45), Mendi (67), Bellinghem (90).
Izoh (0)