“Атлетико Мадрид” клубининг 33 ёшли ҳужумчиси Антуан Гризманн Франция терма жамоасидаги фаолиятини якунлаганини расман эълон қилди.
“Хотираларга тўла юрак билан ҳаётимнинг ушбу бобини ёпаман. Ажойиб уч рангли саргузашт учун раҳмат ва тез орада кўришгунча”, деб ёзди Гризманн ижтимоий тармоқдаги саҳифасида.
Маълумот учун, Гризманн Франция терма жамоасидаги дебютини 2014 йилнинг март ойида ўтказган эди. Ҳужумчи терма жамоа сафида 137 та ўйин ўтказиб, 44 та гол урган. 2018 йилда Антуан Франция терма жамоаси билан Жаҳон чемпиони бўлди, 2021 йилда эса УЕФА Миллатлар Лигасида ғолиб чиқди.
Жорий мавсумда Гризманн “Атлетико” сафида барча мусобақаларда саккизта ўйин ўтказиб, учта гол урди ва тўртта голли узатмани амалга оширди.
Изоҳ (0)