Fransiya terma jamoasi Yevro—2024 turniri uchun yakuniy qaydnomani e’lon qildi

Bosh murabbiy Didiye Desham Fransiya milliy terma jamoasining Yevro—2024 uchun tarkibini e’lon qildi. 

Mutaxassis 25 o‘yinchidan iborat ro‘yxatni TF1 efirida o‘qib bergan. 

Bu ro‘yxatda ikki yildan beri milliy jamoaga chaqirilmagan, hozirda Saudiya Arabistonida faoliyat yuritayotgan Ngolo Kante ham bor. Murabbiy qaroriga ko‘ra, u ham qit’a chempionatiga boradigan bo‘ldi. 

Yevro—2024 da quyidagi futbolchilar Fransiya sharafini himoya qiladi:

Darvozabonlar: Alfons Areolya (“Vest Hem”), Mayk Menyan (“Milan”), Bris Samba (“Lans”);

Himoyachilar: Jonatan Kloss (“Marsel”), Teo Ernandes (“Milan”), Ibraima Konate (“Liverpul”), Jyul Kunde (“Barselona”), Ferlan Mendi (“Real”), Benjamen Pavar (“Inter”), Vilyam Saliba (“Arsenal”), Dayo Upamekano (“Bavariya”);

Yarim himoyachilar: Eduardo Kamavinga (“Real”), Yusuf Fofana (“Monako”), Ngolo Kante (“Al-Ittihod”), Adriyen Rabio (“Yuventus”), Orelyen Tchuameni (“Real”), Uorren Zair-Emeri (“PSJ”), Kingsli Koman (“Bavariya”), Usmon Dembele (“PSJ”);

Hujumchilar: Antuan Grizmann (“Atletiko”), Bredli Barkolya (“PSJ”), Oliviye Jiru (“Milan”), Randal Kolo-Muani (“PSJ”), Kilian Mbappe (“PSJ”), Markus Tyuram (“Inter”).