Isroil harbiy-havo kuchlari “Hizbulloh” shia harakati yetakchisi Hasan Nasrullohni Bayrut chekkasida yo‘q qilish uchun 80 dan ortiq bomba tashladi, deya Ynet axborot portali xabar berdi.
“Isroil mudofaa kuchlari vakili Nasrullohni “Yangi tartib” deb nomlangan operatsiya bo‘yicha yo‘q qilish davomida bunkerga har biri bir tonna og‘irlikdagi 80 dan ortiq bombani tashladi”, deyiladi xabarda.
Bir kun avval Bayrutda o‘nga yaqin portlash sodir bo‘lgani xabar berilgan edi. Isroil harbiylari Dahiya tumani markazidagi turar joy binolari ostida joylashgan “Hizbullohning asosiy qarorgohiga havodan zarba berilgani haqida ma’lum qilgan.
Isroil armiyasi Nasrulloh va shia harakatining janubiy fronti qo‘mondoni Ali Karkiyning yo‘q qilinganini rasman tasdiqlagan.
Isroil armiyasi taqdim qilgan infografikaga ko‘ra “Hizbulloh” harbiy-siyosiy rahbariyati orasida mintaqa qo‘mondoni Abu Ali Ridadan boshqa hech kim tirik qolmagan.
Izoh (0)