Instagram: Qimmatbaho mashina sotib olgan Azoda, xakerlar hujumiga uchragan Javohir Zokirov, qoidabuzar Shahzoda Muhammedova

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

O‘zbekiston xalq artisti Yulduz Usmonova esa opalariga Umra safariga yo‘llanma sovg‘a qilgani aks etgan videoni e’lon qildi.

“Bravo” kulgi jamoasi a’zosi Shahlo Zoirova qizi bilan tushgan suratini sahifasiga joyladi.

Aktrisa Dilnoza Kubayeva o‘limdan qo‘rqishini, insonning qanday yashashi emas, qanday o‘lishi ahamiyatga ega ekani haqida fikr bildirdi.

Bollivud yulduzi Priti Zinta yangi surati bilan ko‘rinish berdi.

Oila a’zolari bilan Yevropa bo‘ylab sayohatda bo‘lgan Yulduz Turdiyeva Milan shahridan ko‘rinish berdi.

Aktrisa Asal Shodiyeva “Intiqom alangasi” deb nomlangan yangi serialda suratga tushayotganini ma’lum qildi.

Qiziqchi Shukurullo Isroilov beshinchi nevarasi Maryamxonning suratini muxlislariga ko‘rsatdi.

Instabloger, xonanda Azoda Allohning nazari, onasining duolari va muxlislarining qo‘llab-quvvatlashi tufayli yana bir orzusi amalga oshganini, ya’ni qimmatbaho avtomashina xarid qilganini ma’lum qildi.

Aktyor Javohir Zokirov Facebook’dagi sahifasi xakerlar hujumiga uchragani, undan olib qo‘yilgani haqida muxlislariga gapirib berdi. 

Xonanda Milena Madmusayeva tez kunlarda “Taksi” deb nomlangan yangi taronasiga ishlangan klipni muxlislariga taqdim etishini ma’lum qildi.

Dizayner, aktrisa Shahzoda Muhammedova qizalog‘i Milana bilan tushgan yangi videosini muxlislariga ko‘rsatdi. Videoda mashinani boshqarayotgan aktrisa qizini oldiga o‘tqizganini ko‘rish mumkin.

Xonanda Munisa Rizayeva o‘zini butun respublikaga “sharmanda qilgan” boshlovchi bilan uchrashib qolgani aks etgan videoni muxlislariga taqdim etdi.

Aktrisa Intizor Tojiboyeva bahoriy kayfiyatda tushgan suratini e’lon qildi.

Aktrisa Sitora Farmonova yo‘l qoidalarini buzuvchi, boshqa haydovchilarni hurmat qilmaydigan haydovchilar haqida o‘z fikrini bildirdi.

Xonanda Umidaxon muxlislarini ramazon oyi bilan tabrikladi.

Xonanda Hamdam Sobirov “Qishloqqa qayt” nomli yangi taronasiga ishlangan klipni muxlislariga taqdim etdi. Unda bosh rollarni aktrisa Feruza Yusupova va instabloger Dili.me o‘ynagan.

Ozoda Nursaidova jiyani Abdullohga baraban chalishni o‘rgatayotgani aks etgan videoni e’lon qildi.

Bollivud yulduzi Anushka Sharma yangi suratini obunachilariga ko‘rsatdi.

Xonanda Nilufar Usmonova iftorlikdan keyin poytaxt ko‘chalarida do‘sti, instabloger Jamshid Bobojonov bilan birga sayr qilgani aks etgan videoni e’lon qildi.