Eron Isroil tomon dronlar hujumini boshladi. Bu haqda Isroil televideniyesining 12-kanali xabar berdi.
Telekanal maʼlumotlariga ko‘ra, Isroil tomon uchayotgan baʼzi Eron dronlari Suriya osmonida havo mudofaa tizimi tomonidan urib tushirilgan.
Shuningdek, Eronning IRNA agentligi manbalarga tayanib xabar berishicha, Eron Isroil tomon ballistik raketa ham uchirgan.
Ularning maʼlumotlariga ko‘ra, zarbalar nishonlari Isroil hududi ichida joylashgan. ABC News ma’lumotlariga ko‘ra, Eron faqat harbiy obyektlarga hujum qilmoqda.
Avvalroq Eronning yuzlab dronlari Iroqning janubiy provinsiyalari uzra Isroil hududi tomon uchayotgani xabar qilingandi. Iordaniya hududi ustida Erondan uchirilgan jangovar kallaklarni olib yuruvchi dronlar ham kuzatilgan.
Izoh (1)
nima boʻlgandayam dunyo tinch boʻlsin