Futbol bo‘yicha Yevropa Chempionlar Ligasi chorak final javob bahslari 18-aprel, seshanba kuni bo‘lib o‘tdi.
“Real” safarda “Chelsi” mehmoni bo‘ldi. O‘yinning birinchi bo‘limida darvozalar ishg‘ol etilmadi. Ikkinchi bo‘limda “qaymoqranglilar” London klubining zaif nuqtalaridan unumli foydalanib, 2 ta gol urdi. Har ikkala gol ham Rodrigo hisobiga yozildi.
Jamoalar o‘rtasidagi dastlabki bahs Madridda bo‘lib o‘tgan va unda ham Karlo Anchelotti shogirdlari 2:0 hisobida zafar quchgandi. Shu tariqa “Real” yarim final yo‘llanmasini qo‘lga kiritdi.
Yana bir chorak final o‘yinida “Napoli” va “Milan” o‘zaro bahs olib bordi. Uchrashuvning 43-daqiqasida Olivye Jiru hisobni ochdi. O‘yin so‘ngida esa Viktor Osimhen hisobni tenglashtirdi. Biroq ushbu gol neapolliklarga yetarli bo‘lmadi va “Milan” ikki o‘yin natijasiga ko‘ra, yarim final yo‘llanmasiga ega chiqdi.
Eslatib o‘tamiz, jamoalar o‘rtasidagi birinchi o‘yinda “Milan” 1:0 hisobida g‘alaba qozongandi.
YCHL
1/4 final, javob bahslari
18-aprel, seshanba
“Chelsi” (Angliya) – “Real” (Ispaniya) 0:2
Gollar: 0:1 – 58 Rodrigo, 0:2 – 80 Rodrigo.
“Chelsi”: Arrisabalaga, Jeyms, Tiago Silva, Chaloba, Fofana, Kukurelya (Mudrik, 68), Kovachich, Kante, Gallaher (Joau Feliks, 67), Fernandes (Sterling, 67), Haverts (Maunt, 77).
“Real Madrid”: Kurtua, Karvaxal (Nacho, 82), Alaba (Ryudiger, 46), Militao, Kamavinga, Modrich, Kroos (Sebalyos, 76), Valverde, Vinisius Junior, Rodrigo (Asensio, 81), Benzema (Tchuameni, 71).
Ogohlantirishlar: Militao (22), Kukurelya (34), Jeyms (50), Mudrik (89).
“Napoli” (Italiya) – “Milan” (Italiya) 1:1
Gollar: 0:1 – 43 Jiru, 1:1 — 90+4 Osimhen.
“Napoli”: Meret, Di Lorenso, Jezus, Rrahmani (Estigor, 74), Mariu Ruy (Olivera, 34), Lobotka, Zelinski (Raspadori, 74), Ndombele (Elmaz, 63), Politano (Losano, 34), Kvarasxeliya, Osimxen.
“Milan”: Menyan, Kalabriya, Kyer, Tomori, Ernandes, Krunich, Bennaser, Braim Dias (Messias, 59), Tonali, Rafael Leau (Salemakers, 84), Jiru (Origi, 68).
Ogohlantirishlar: Ernandes (45), Menyan (45), Di Lorenso (45).
Izoh (0)