“Челси” ярим ҳимоячиси Коул Палмер Лондоннинг қайси афсонаси билан бирга ўйнашни хоҳлаши ҳақида фикр билдирди.
Агар менда “Челси”нинг битта афсонаси билан ўйнаш имкони бўлса, албатта, Эден Азарни танлаган бўлардим. Тўғри, бизнинг ўйин услубимиз фарқ қилади, аммо мен ҳам Азар каби чиройли, мухлисларга ёқадиган ўйин кўрсатгим келади, — дея Палмернинг сўзларини келтиради италиялик спорт журналисти Фабрицио Романо Х ижтимоий тармоғидаги (собиқ Twitter) саҳифасида.
Маълумот учун, Азар 2023 йилда фаолиятини якунлашини эълон қилганди. Бельгиялик футболчи 2012 йилдан 2019 йилгача “Челси”да ўйнаган. Лондон клуби таркибида Азар 2015 ва 2017 йилларда икки марта Англия чемпиони бўлган, 2013 ва 2019 йилларда Европа Лигасида ғолиб чиққан ва 2018 йилда бир марта Англия кубогини қўлга киритган.
22 ёшли Палмер “Манчестер Сити”дан Лондон клубига кўчиб ўтди. У “Челси” сафида 38 та ўйинда қатнашди ва 24 та гол уришга эришди.
Изоҳ (0)