Londonning “Chelsi” klubi tez orada italiyalik mutaxassis Enzo Mareskani bosh murabbiy lavozimiga tayinlanganini tasdiqlaydi. Bu haqda Telegraph nashri xabar bermoqda.
Manbaga ko‘ra, “aristokratlar” ikki kun avval “Lester” bilan italiyalik futbolchi borasida to‘liq kelishuvga erishgan. Bugun tomonlar kelishuvning barcha tafsilotlarini hal qiladi, advokatlar esa hujjatlarni rasmiylashtirish ustida ishlamoqda. “Chelsi” bu tayinlovni bugun, juma kuni rasman e’lon qilishi kutilmoqda.
Enzo Mareskaning London grandi bilan shartnomasi 2029-yilgacha mo‘ljallangan. Shartnomani yana bir yilga uzaytirish ham mumkin. Oldinroq “Lester” “Chelsi”dan 44 yoshli murabbiy uchun taxminan 10 million yevro miqdorida tovon puli olishi xabar qilingandi.
Ma’lumot uchun, “Chelsi” 21-may kuni Pochettino bilan shartnomani o‘zaro kelishuvga ko‘ra bekor qilganini e’lon qildi. Premyer Liganing so‘nggi mavsumi yakuniga ko‘ra, londonliklar 63 ochko jamg‘arib, oltinchi o‘rinni egalladi.
Izoh (0)