“Chelsi” APL doirasida o‘tkazilgan 31 uchrashuv natijasiga ko‘ra 9-o‘rinda bormoqda. Ammo yozda “Manchester Siti”dan ko‘chib o‘tgan Koul Palmer tufayli jamoa hali ham yevrokuboklarda ishtirok etish uchun imkoniyatni saqlab turibdi.
Yosh angliyalik futbolchi gollar (20 ta — Holand bilan bir xil ko‘rsatkich) va umumiy samarali harakatlar (Uotkins bilan birga 29 ta) bo‘yicha ligada birinchi o‘rinni egallab turibdi.
Palmer “Chelsi”da 29 ta golga sababchi bo‘ldi. Ulardan 20 tasiga o‘zi mualliflik qilgan bo‘lsa, 9 bor jamoadoshlarini to‘p bilan ta’minladi. Bu Pochettino shogirdlarining ligadagi barcha urilgan gollarning deyarli yarmi (61) degani.
Palmerning gollari va golli uzatmalarisiz “Chelsi” nechanchi o‘rinda bo‘lardi? Ushbu surat “Chelsi” jamoasining hozirgi ochkolar soni va o‘rnini ifoda etadi.
Palmerning harakatlari tufayli klub olgan ochkolarni olib tashlash evaziga futbolchi keltirgan ochkolar sonini hisoblash mumkin.
Masalan, “Chelsi” “Everton”ni 6:0 hisobida mag‘lub etdi, Palmer 4 ta gol urdi. Uning gollarisiz ham jamoa g‘alaba qozongan bo‘lardi. Ammo “Manchester Yunayted”ga qarshi o‘yinni (4:3) 21 yoshli angliyalik futbolchi tubdan o‘zgartirdi: uning xet-triki bo‘lmaganida “Chelsi” 1:3 hisobida mag‘lub bo‘lgan bo‘lardi, yani 3 ochko yo‘qotar edi.
Albatta, algoritm mukammal emas: jamoa hisobiga belgilangan penaltini boshqa futbolchi aniq amalga oshirishi mumkin bo‘lardi. Palmer 9 bor penaltini amalga oshirib, barchasida gol urishga erishdi.
Aynan quyidagi jamoalarga qarshi o‘yinda Palmer jamoasi uchun ochko olib kelgan gollar muallifi bo‘lgan. Agar uning gollari bo‘lmaganda jamoa chempionatning ancha quyi qismidan o‘rin olgan bo‘lar edi.
Palmer jamoasining kubok uchrashuvlarida ham samarali ishtirok etgan.
● “Brayton”ga qarshi Liga kubogidagi jamoasining yagona golga assistentlik qildi.
● Angliya kubogida u “Lester”ga qarshi bir gol va bir assistga mualliflik qildi — yakunda “Chelsi” 4:2 hisobida g‘alaba qozondi.
De Bryuyne o‘z yoshida Premyer Ligada 20 ta gol ura olgan edimi? Koul Kevindan yaxshiroq demoqchi emasman, lekin unda bunday imkoniyat bor.
U faoliyatini “Chelsi”da davom ettiradimi yoki yo'qmi, bilmaymiz, ammo hozircha klub Palmer uchun ideal joy. Ba’zi odamlar bunday bosim ostida “yorilib” ketadi, ba’zilari esa o‘z imkoniyatlarini namoyish etadi — u ikkinchi toifadagi futbolchi, — deydi “Chelsi”ning sobiq futbolchisi Pet Nevin.
“Chelsi”ni oldinda mavsumning eng qiyin qismi kutmoqda. Ammo Palmer ham o‘zining ajoyib formasiga ega bo‘lib turibdi. Jamoa keyingi o‘yinni Angliya Kubogi doirasida “Manchester Siti”ga qarshi o‘tkazadi. Uchrashuv 20-aprel, yakshanba kuni bo‘lib o‘tishi rejalashtirilgan.
Izoh (0)