YCHL. “Chelsi” o‘z uyida “Borussiya D”ni yengib, chorak finalga yo‘l oldi. “Benfika” ham keyingi bosqichda

Futbol bo‘yicha Yevropa Chempionlar Ligasining 1/8 final javob bahsi doirasidagi ikki o‘yin 7-mart, seshanba kuni o‘tkazildi.

“Chelsi” o‘z uyida Dortmundning “Borussiya”sini qabul qildi. Birinchi bo‘lim yakunida Rahim Sterling londonliklarni oldinga olib chiqqan bo‘lsa, ikkinchi bo‘lim boshida Kay Haverts penaltidan unumli foydalanib, oradagi farqni oshirdi. Qolgan vaqtda hisob o‘zgarmadi.

Shu tariqa ikki o‘yin natijasiga ko‘ra ingliz klubi keyingi bosqichga yo‘l oldi. Germaniyadagi o‘yinda “Borussiya” 1:0 hisobida zafar quchgandi.

Yana bir bahs “Benfika” va “Bryugge” jamoalari o‘rtasida kechdi. Unda portugal klubi raqibiga imkon qoldirmadi va ikkala o‘yinni ham o‘z foydasiga hal qilga holda chorak final ishtirokchisiga aylandi.

8-mart oqshomida yana ikki o‘yin o‘tkaziladi:

• “Tottenhem” (Angliya) – “Milan” (Italiya)
• “Bavariya” (Germaniya) – “PSJ” (Fransiya)

YCHL

1/8 final, javob bahslari

7-mart, seshanba

“Chelsi” (Angliya) – “Borussiya D” (Germaniya) 2:0

Gollar: 1:0 – 43 Sterling, 2:0 – 53, penalti Haverts.

“Chelsi”: Arrisabalaga, Jeyms, Kulibali, Kukurelya, Fofana, Chiluell, Kovachich (Pulishich, 83), Fernandes (Zakariya, 87), Haverts, Sterling (Loftus-Chik, 83), Joau Feliks (Gallaher, 67).

“Borussiya D”: Mayer, Zyule, Shlotterbek, Gerreyru, Brandt (Reyna, 5), Roys, Jan, O‘zjan (Bayno-Gittens, 64), Bellinghem, Volf, Aller (Malen, 77).

Ogohlantirishlar: Zyule (41), Arrisabalaga (65), Fernandes (77), Chiluell (90), Volf (90+2), Kukurelya (90+2), Bellinhem (90+3).

Dastlabki bahs – 0:1

“Benfika” (Portugaliya) – “Bryugge” (Belgiya) 5:1

Gollar: 1:0 – 38 Rafa Silva, 2:0 – 45 Gonsalu Ramush, 3:0 – 57 Gonsalu Ramush, 4:0 – 71, penalti Joau Mariu, 5:0 – 77 Neres, 5:1 – 87 Meyer.

“Benfika”: Vlahodimos, Ba (Jilberto, 63), Otamendi (Morato, 74), Antoniu Silva (Verissimo, 88), Grimaldo, Joau Mariu (Joau Nevesh, 74), Rafa Silva, Eursnes, Shikinyu (Neres, 63), Florentinu, Gonsalu Ramush.

“Bryugge”: Minyole, Mata (Odoi, 63), Mexele, Silla, Meyer, Vanaken (Rits, 75), Nilsen, Lang (Nvadike, 46), Soua (Nusa, 75), Yaremchuk (Jujla, 62), Byukenen.

Ogohlantirishlar: Yaremchuk (17), Lang (20), Otamendi (29), Silla (43), Meyer (48).

Dastlabki bahs – 2:0