APL. “Manchester Yunayted” so‘nggi daqiqalarda kambekni amalga oshirib, g‘alaba qozondi, “Chelsi” safarda raqibini yirik hisobda mag‘lub etdi (video)

Futbol bo‘yicha Angliya Premyer Ligasining 8-turidan o‘rin olgan qator o‘yinlar 7-oktabr, shanba kuni bo‘lib o‘tdi.

“Chelsi” safarda “Byornli” mehmoni bo‘ldi. Uchrashuvning 15-daqiqasida Odober mezbonlarni hisobda oldinga olib chiqdi. 42-daqiqada Al-Dahil avtogol urib, muvozanat tiklanishiga sababchi bo‘ldi. Ikkinchi bo‘limda esa “aristokratlar” ketma-ket gollar ura boshladi. Dastlab, 50-daqiqada Koul Palmer penaltidan unumli foydalandi. 65-daqiqada Rahim Sterling o‘z hisobiga gol yozdirib qo‘ydi. 74-daqiqada esa Nikolas Jekson hisobni yirik ko‘rinishga olib keldi. Shu tariqa “Chelsi” 4:1 hisobida zafar quchdi. 

“Manchester Yunayted” esa “Brentford”ga qarshi bahs olib bordi. Uchrashuvning 26-daqiqasida Matias Yensen “Brentford”ni hisobda oldinga olib chiqdi. Bo‘limlarning qolgan daqiqalarida esa darvozalar ishg‘ol etilmadi. Biroq, 90-daqiqadan keyin mankunianliklar ikkita gol urib, g‘alabani ilib ketdi. 90+3-daqiqada Skot Maktominey muvozanatni tikladi, oradan 4 daqiqa o‘tib, yana Maktominey darvozani ishg‘ol qilib, “qizil iblislar”ga g‘alaba olib keldi. 

“Tottenhem” Mikki van de Venning yagona goli evaziga “Lyuton” ustidan g‘alaba qozondi.

APL

8-tur

7-oktabr, shanba

“Byornli” — “Chelsi” 1:4

Gollar: 1:0 – 15 Odober, 1:1 – 42 Al-Dahil (avtogol), 1:2 – 50 Palmer (penalti), 1:3 – 65 Sterling, 1:4 – 74 Jekson.

“Byornli”: Trafford, Vitinyo, Delkrua, Al-Dahil, Teylor, Roberts, O’Shi, Bruun Larsen, Remzi, Koliosho, Braunxill, Kallen, Berge, Ndayishimiye, Odober, Foster.

“Chelsi”: Sanches, Kukurelya, Tiago Silva, Disasi, Koluill, Matsen, Mudrik, Gallaher, Fernandes, Kaysedo, Jekson, Palmer, Sterling, Broya.

Ogohlantirishlar: Kukurelya (26), Fernandes (27), Kallen (30), Odober (38), Tiago Silva (45), Pochettino (45), Kaysedo (74).

“Manchester Yunayted” — “Brentford” 2:1

Gollar: 0:1 – 26 Yensen, 1:1 – 90 Maktominey, 2:1 – 90 Maktominey.

“Manchester Yunayted”: Onana, Diogu Dalot, Evans, Maguayr, Lindelef (Marsyal, 71), Kazemiro (Eriksen, 46), Brunu Fernandesh, Amrabat (Maktominey, 87), Maunt (Antoni, 63), Reshford (Garnacho, 63), Heylund.

“Brentford”: Strakosha, Roerslev, Ayer, Pinnok, Kollinz, Xiki, Nergor, Yensen (Goddos, 83), Yanelt (Oneka, 70), Vissa (Mope, 70), Mbemo.

Ogohlantirishlar: Xiki (10), Nergor (48), Kollinz (65), Yanelt (67), Mope (79).

“Lyuton” — “Tottenhem” 0:1

Gol: 0:1 – 52 van de Ven.

“Lyuton”: Kaminski, Berk, Loker (Barkli, 81), Andersen (Menji, 59), Dauti, Raddok-Mpanzu (Chong, 67), Nakamba, Braun (Berri, 66), Morris, Adebayo (Vudrou, 67), Ogbene.

“Tottenhem”: Vikario, Porro, Romero, van de Ven, Udoji (Devis, 82), Meddison (Skipp, 76), Bissuma, Kulusevski (Velis, 90), Sarr, Son Hyon Min (Emerson, 76), Risharlison (Hyoyberg, 46).

Ogohlantirishlar: Loker (19), Morris (34), Bissuma (38), Hyoyberg (68).

Chetlatish: Bissuma (45).