YCHL. “Real” Madridda “Chelsi”ni mag‘lub etdi, “Milan” esa “Napoli”dan ustun keldi (video)

Futbol bo‘yicha Yevropa Chempionlar Ligasi chorak final dastlabki bahsi doirasidagi ikkita o‘yin 12-aprel, chorshanba kuni bo‘lib o‘tdi.

“Real” o‘z maydonida “Chelsi”ni qabul qildi. Uchrashuvning 21-daqiqasida Karim Benzema maydon egalarining dastlabki golini urdi. Tanaffusga qadar har ikki jamoa vakillarida golga tortadigan qator imkoniyatlar yuzaga keldi.

59-daqiqada londonliklar himoyachisi Ben Chiluell darvozabon bilan birga-bir chiqib ketayotgan Rodrigoni qoida buzgan holda to‘xtatib qoldi va to‘g‘ridan to‘g‘ri qizil kartochkaga loyiq ko‘rildi.

74-daqiqada Marko Asensio “Real”ning ikkinchi golini urdi. Qolgan vaqtda ispan klubi “Chelsi”ning himoyasini yorib o‘tolmadi.

Yana bir o‘yin “Milan” va “Napoli” jamoalari o‘rtasida kechdi. O‘yinning 40-daqiqasida Ismael Bennaser milanliklarni hisobda oldinga olib chiqdi. 74-daqiqada Zambo-Angissaning chetlatilishidan keyin neapolliklar bir o‘yinchi kam bo‘lib qoldi. Qolgan daqiqalarda darvozalar daxlsiz qoldi.

Ushbu juftliklar o‘rtasidagi javob o‘yinlari 18-aprel kuni o‘tkaziladi.

YCHL

1/4 final, dastlabki o‘yin

12-aprel, chorshanba

“Real Madrid” (Ispaniya) – “Chelsi” (Angliya) 2:0

Gollar: 1:0 – 21 Benzema, 2:0 – 74 Asensio.

“Real Madrid”: Kurtua, Karvaxal, Alaba, Militao, Kamavinga (Ryudiger, 71), Modrich (Sebalyos, 81), Kroos (Tchuameni, 84), Valverde, Vinisius Junior, Rodrigo (Asensio, 71), Benzema.

“Chelsi”: Arrisabalaga, Jeyms, Tiago Silva (Maunt, 76), Kulibali (Kukurelya, 55), Fofana, Chiluell, Kovachich, Kante (Gallaher, 75), Fernandes, Sterling (Haverts, 65), Joau Feliks (Chaloba, 65).

Ogohlantirishlar: Fofana (5), Kamavinga (7), Militao (83), Karvaxal (87), Kovachich (87).

Chetlatish: Chiluell (59).

“Milan” (Italiya) – “Napoli” (Italiya) 1:0

Gol: 1:0 – 40 Bennaser.

“Milan”: Menyan, Kalabriya, Kyer, Tomori, Ernandes, Krunich, Bennaser (Salemakers, 67), Braim Dias (Rebich, 80), Tonali, Rafael Leau, Jiru.

“Napoli”: Meret, Di Lorenso, Rrahmani, Kim Min Je, Mariu Ruy (Olivera, 81), Lobotka, Zelinski (Ndombele, 81), Zambo-Angissa, Elmaz, Losano (Raspadori, 69), Kvaratsxeliya (Politano, 81).

Ogohlantirishlar: Zelinski (38), Bennaser (60), Di Lorenso (70), Zambo-Angissa (70), Kim Min Je (78), Rrahmani (90+4).

Chetlatish: Zambo-Angissa (74).