Yaponiya Kagosima prefekturasidagi kimsasiz Mage orolida O‘zini-o‘zi mudofaa qilish kuchlari uchun yangi baza qurmoqda. Loyiha Amerikaning qiruvchi samolyotlari harbiy mashg‘ulotlarini o‘tkazish rejasiga muvofiq amalga oshirilmoqda, deb xabar berdi Japan Today.
Dastlab uchish-qo‘nish yo‘laklari va o‘q-dorilar omborlari quriladi. Keyin orolga samolyotlar yetkaziladi.
Loyiha AQSH qiruvchi poligonini Tinch okeanidagi Ivoto orolidan ko‘chirishga yo‘l ochadi.
“Yangi baza Osiyo—Tinch okeani mintaqasida doimiy joylashgan Amerika aviatashuvchilari uchun tengsiz ahamiyatli bo‘ladi”, — deyiladi xabarda.
Nashr ilgari AQSH harbiy-dengiz kuchlari samolyotlari Tokio yaqinida uchib-qo‘nishni mashq qilganini eslatdi, biroq 1990-yillar boshida ular mashg‘ulotlar o‘tkaziladigan maydonni Tinch okeanidagi, Tokiodan 1 250 km janubda joylashgan Ioto oroliga ko‘chirgan. Samolyotlar esa Yaponiyaning g‘arbiy qismidagi Ivakuni shahri hududidagi boshqa Amerika harbiy bazasiga o‘tkazilgan: bu baza va Ioto oroli o‘rtasida 1,4 ming km masofa bor. Mage oroli esa Ivakuni shahridan 400 km uzoqlikda joylashgan.
Izoh (0)