Lavrov: “Yaponiya va Koreya AQSH yadro qurolini o‘z hududida joylashtirishga tayyor”

Rossiya tashqi ishlar vaziri Sergey Lavrov Yaponiya va Janubiy Koreya o‘z hududlarida Amerika yadro qurolini joylashtirishga tayyorligini aytdi.

Bu haqda TIV rahbari Janubi-sharqiy Osiyo davlatlari assotsiatsiyasidagi (ASEAN) uchrashuv yakunlari bo‘yicha bergan intervyusida ma’lum qildi.

Sergey Lavrovning so‘zlariga ko‘ra, NATO o‘z harbiy infratuzilmasining bir qismini Hind-Tinch okeani mintaqasiga, asosan, Vilnyusdagi NATO sammitida qatnashgan davlatlarga – Avstraliya, Yangi Zelandiya, Yaponiya va Janubiy Koreyaga ko‘chirish maqsadida.

“Biz bu haqda ASEAN’dagi hamkasblarimiz va Xitoy vakili Van I bilan gaplashdik, u bilan bugun uzoq davom etgan uchrashuv o‘tkazdik”, — dedi Lavrov.

Iyun oyida AQSHning qanotli raketalarga ega atom suvosti kemasi olti yil ichida birinchi marta Janubiy Koreyaning Pusan shahri portiga kirdi. 26-aprel kuni ikki davlat prezidentlari Jo Bayden va Yun Sok Yol “yadroviy tiyib turish siyosatini kengaytirish”, AQSHning “yadro soyaboni”ni Janubiy Koreyagacha kengaytirishni nazarda tutuvchi Vashington deklaratsiyasini imzoladi.