Yaponiya yangi qiruvchi samolyotni ishlab chiqishda AQSH bilan hamkorlik qilishdan bosh tortdi. Bu haqda Yaponiyaning Shukan Gendai gazetasi xabar bermoqda.
Yaponiya Mudofaa vazirligi Buyuk Britaniyaning BAE Systems kompaniyasi bilan hamkorlik boshlashga qaror qildi. Kompaniya vazirlikka yangi qiruvchi ustida olib boriladigan ishlar bo‘yicha “to‘liq shaffoflik”ni va’da qilgan.
Yaponiyaning AQSH bilan hamkorlikdan bosh tortishiga Amerikaning Lockheed Martin harbiy kompaniyasi o‘zining ilg‘or texnologiyalarini Tokioga berishni istamagani sabab bo‘lgan.
“Mitsubishi Heavy Industries (qiruvchining asosiy pudratchisi) bilan hamkorlik qilishi kerak bo‘lgan Lockeheed Martin’ning istaklarini hurmat qilgan holda AQSH Mudofaa vazirligi bilan muzokaralar muvaffaqiyatsiz yakunlangani sababli AQSHning ishtiroki susaydi. Yaponiya Mudofaa vazirligi rasmiylariga ko‘ra, ular AQSHdan texnologiyalarni so‘raganda, ularga faqat Yaponiyaning o‘zi ham import qiladigan F35 qiruvchilari haqida ma’lumot berilgan va Amerika hukumati yangi texnologiyalarni oshkor qilishni istamagan”, — deb yozadi gazeta.
Shukan Gendai aniqlik kiritishicha, Yaponiya Mudofaa vazirligi va Mitsubishi Heavy Industries AQSH hukumatining qaroridan hafsalasi pir bo‘lgan.
26-may kuni Yaponiya va Amerika aviatsiyasining sakkizta qiruvchisi Yapon dengizi suvlarini aylanib chiqqan edi. Bunga sabab sifatida Shimoliy Koreya tomonidan 25-may kuni o‘tkazilgan ballistik raketalar uchirilishi ko‘rsatildi. Oktabr oyida yana shunday sabab bilan AQSH va Yaponiya qiruvchi samolyotlari Yapon dengizi ustida qo‘shma mashg‘ulotlar o‘tkazdi.
Izoh (0)