Narpay tumanida o‘tkazilayotgan xalq deputatlari tuman Kengashining navbatdan tashqari sessiyasida tashkiliy masala ko‘rildi, deb xabar beradi Samarqand viloyati hokimligi matbuot xizmati.
Qayd etilishicha, 2020-yildan buyon tumanga rahbarlik qilib kelgan Sherzod Rahmanov boshqa ishga o‘tayotgani bois tuman hokimi lavozimidan ozod etilgan.
Sessiyada deputatlar tomonidan Sherbek Buranov nomzodi Narpay tumani hokimi lavozimiga tasdiqlangan.
Sherbek Buranov 1985-yilda Samarqand viloyati Narpay tumanida tug‘ilgan. 2003-yildan boshlab bank tizimida turli lavozimlarda faoliyat olib borgan. 2021-yildan buyon Oliy Majlisi Qonunchilik palatasi Korrupsiyaga qarshi kurashish va sud-huquq masalalari qo‘mitasining aʼzosi.
Avvalroq Dilshod Mirxanov Uchqo‘rg‘on tumani hokimi etib tayinlangani, Jizzax viloyati hokimi o‘rinbosari o‘zgargani, Ziyodulla Karimov Sardoba tumani hokimi etib tasdiqlangani to‘g‘risida xabar berilgandi.
Izoh (0)