Marhamat tumani hokimi lavozimiga O‘tkirbek Maʼmurov tayinladi. Bu haqda Andijon viloyati hokimligi matbuot xizmati xabar berdi.
O‘tkirbek Maʼmurov 1973-yilda Oltinko‘l tumanida tug‘ilgan. 1997-yilda “K.Timirzayev” nomli Moskva qishloq xo‘jaligi akademiyasini tamomlagan.
Mehnat faoliyati davomida qishloq xo‘jaligi sohalarida agronom, mudir, rais o‘rinbosari, rais, boshqarma boshlig‘i o‘rinbosari kabi lavozimlarida ishlagan.
Ushbu lavozimga tayinlangunga qadar Buloqboshi tumani hokimi lavozimida faoliyat yuritib kelayotgan edi.
2020-yil may oyida Bobur Yo‘ldoshev Marhamat tumani hokimi etib tayinlangandi. Tumanning undan oldingi hokimi Shuhrat Qamchiyev Shavkat Mirziyoyev Andijonga tashrifi davomida egallab turgan lavozimidan ozod etilgan edi.
Izoh (0)