Piyodalar yo‘lakchalarining barchasi dabdala, hammasi egallab olingan. Bu haqda 25-iyun kuni Senatda bo‘lib o‘tgan yo‘llarda inson xavfsizligini ta’minlashga qaratilgan anjumanda senator Rustam Kalonov aytib o‘tdi.
Mahalladagi asosiy ko‘chalardagi (bu qor va yomg‘irlarda yana ham sezildi) bizni yangi boyvachchalar, tadbirkorlar, huquqni poymol qiladiganlar nainki, ko‘chaning 1-2 metr qismini, balki piyodalar yo‘laklarini va gullar ekiladigan joylarni egallab olishgan.
Ularga chora ko‘rish kerak, qabul qilinayotgan qarorlarga kiritinglar. Hamma tomon falonchini jiyani, falonchini o‘g‘li, falonchiyov, pistonchivoy bo‘lib ketdi, — dedi senator.
Rustam Kalonovning alohida ta’kidlashicha, joylarda qurilayotgan yo‘llarda piyodalar uchun yo‘laklar yo‘q.
Uyat emasmi piyodalar yo‘laklaridan nom nishon yo‘q. Yo‘l shunday bo‘lishi kerakmi? Shularga e’tibor beringlar. Standart bo‘yicha yo‘l qanday bo‘lishini ko‘rsatinglar.
Asfaltning sifati dabdala, uch yilga yetmaydi. Yo‘llar qurish uchun hammayoqni kovlab tashlashmoqda, sal kelishib ishlanglar.
Bularga chora ko‘rilishi kerak. Joylarda fuqarolar bilan uchrashganimizda faqat shu masalalar ko‘tarilmoqda. Yoshlar bilan gaplashsangiz piyodalar yo‘lakchasi nimaligini bilmaydi, — dedi u.
Ma’lumot uchun, yo‘l-transport hodisalarning 57 foizi yo‘l infratuzilmasidagi kamchiliklar oqibatida sodir etilgan.
Izoh (0)