Ukraina prezidenti Vladimir Zelenskiy 5-iyun kuni Qatar amiri bilan muzokara olib borish uchun Dohaga borgan. Bu haqda Al Arabia nashri xabar berdi.
Zelenskiyning o‘zi ham Qatarga safarini ijtimoiy tarmoqda tasdiqlagan. Safardan maqsad Rossiyada qolayotgan ukrain bolalarini qaytarishda Qatarni vositachilik qilishga ko‘ndirish bo‘lgan.
Manbada aytilishicha, 2023-yil iyul oyidan beri Qatar hukumati Rossiya va Sharqiy Ukrainaning bosib olingan hududlarga olib ketilgan o‘nlab bolalarni Kiyevga qaytarishga yordam bergan. Ukraina uchun bu juda muhim masala bo‘lib, prezident Zelenskiy Qatar rasmiylaridan ushbu boradagi saʼy-harakatlarni davom ettirishni so‘ragan.
“Qatar Ukrainaga Rossiya tomonidan o‘g‘irlab ketilgan bolalarni qaytarishda yordam bermoqda. Biz bu saʼy-harakatlarni yana muhokama qilamiz”, — degan Zelenskiy Qatar amiri Shayx Tamim ibn Hamad al-Soniy bilan muzokaralarini haqida bayonot berar ekan.
Zelenskiyning aytishicha, Qatar Shveysariyada bo‘lib o‘tadigan Ukraina tinchlik sammitini tashkil etishda faol rol o‘ynagan. Kiyev rasmiylari bu sammitda Qatarning ukrainalik bolalar o‘g‘irlab ketilishi bilan bog‘liq masalasi ko‘tarib chiqishiga umid qilmoqda.
Vladimir Zelenskiy Qatarga safari chog‘ida iqtisodiy va xavfsizlik masalalarini ham muhokama qilishini aytgan.
Izoh (0)