Rossiya va Xitoy iyun oyi o‘rtalarida Shveysariyada bo‘lib o‘tadigan Ukraina bo‘yicha tinchlik sammitining oldini olishga harakat qilmoqda. Bu haqda Ukraina prezidenti Vladimir Zelenskiy xabar berdi.
Zelenskiyning so‘zlariga ko‘ra, Kiyev hozirda dunyoning 106 davlatidan tinchlik sammitida ishtirok etishi haqidagi tasdiqnomaga ega. Ukraina rahbarining ta’kidlashicha, Rossiya dunyoning ko‘plab mamlakatlariga sayohat qilib, oziq-ovqat, qishloq xo‘jaligi mahsulotlari yoki kimyoviy moddalar, energiya narxini blokirovka qilish bilan tahdid qilmoqda yoki dunyoning boshqa davlatlariga sammitda qatnashmasligi uchun shunchaki bosim o‘tkazmoqda.
Uning qo‘shimcha qilishicha, baʼzi davlatlar Moskvaga tinchlik sammitini diplomatik yo‘l bilan buzishda yordam bera boshlagani haqida xabarlar mavjud.
Zelenskiy AQSH va Xitoyning tinchlik sammitidagi pozitsiyalarini solishtirib, Xitoy uni buzishga harakat qilayotganini ta’kidlagan. U AQSH o‘z ishtirokini yuqori darajada tasdiqlagani, prezident Baydenning ehtimoliy tashrifini hamda Xitoy bu borada hech qanday izoh bermaganini aytgan.
AQSH ba’zi davlatlar bilan aloqada bo‘lib, ularni tinchlik sammitida ishtirok etishga undamoqda. Xitoy, afsuski, aksincha, mamlakatlarning jahon sammitiga kelishining oldini olishga harakat qilmoqda. Bu ikki pozitsiya o‘rtasida katta farq bor, — deydi Zelenskiy.
Kiyev Shveysariyada bo‘lib o‘tadigan jahon tinchlik sammiti ishtirokchilari birgalikda uch bosqichli, xususan, erkin navigatsiya, yadroviy va energiya xavfsizligi hamda asirlarni almashish va noqonuniy deportatsiya qilingan bolalarni qaytarish bo‘yicha harakat rejasini ishlab chiqishlarini kutmoqda.
15—16-iyun kunlari Shveysariyada Ukrainadagi vaziyatni tartibga solish bo‘yicha global konferensiya bo‘lib o‘tadi. U Kiyev rasmiylari talabiga binoan tashkillashtirilgan. Tadbirga Rossiya taklif qilinmagan.
Izoh (0)