AQSH Mudofaa vazirligining Mudofaa ilg‘or tadqiqot loyihalari agentligi (DARPA) Slingshot Aerospace kompaniyasi bilan Yer orbitasidagi harbiy sun’iy yo‘ldoshlarni aniqlashga qodir sun’iy intellekt (AI) tizimlarini sotib olish bo‘yicha shartnoma tuzdi.
Bu haqda kompaniyaning ma’lumot va sun’iy intellekt bo‘yicha direktori Dilan Keslerga tayanib Defence One portali xabar berdi.
Uning so‘zlariga ko‘ra, Agata deb nomlangan tizim kosmik kemalar trayektoriyasini tahlil qilish asosida ular orasida harbiy maqsadlarda, shu jumladan, razvedkada foydalaniladiganlarini aniqlashga qodir.
Keslerning ta’kidlashicha, ushbu usul tufayli Rossiyaning Luch sun’iy yo‘ldoshi 2015-yilda ma’lumotni maxfiy tarzda qo‘lga kiritish uchun Amerikaning Intelsat sun’iy yo‘ldoshlariga ataylab yaqinlashganini aniqlash mumkin.
Keslerning qo‘shimcha qilishicha, Pentagon Rossiya Federatsiyasi va Xitoyning sun’iy yo‘ldosh turkumlarining ko‘payishidan xavotirda, chunki ularning ba’zi kosmik kemalari harbiy texnikani tashish imkoniyatiga ega.
Izoh (0)