Vladimir Putinning o‘zi 2024-yilgi prezidentlik kampaniyasida ishtirok etishi haqida e’lon qilmagan bo‘lsa-da, Kreml ichki siyosiy bloki unga tayyorgarlikni boshlab yubordi, ular saylovlar rejalashtirilgan muddatlarda va amaldagi davlat rahbari ishtirokida bo‘lib o‘tishidan kelib chiqmoqda. Bu haqda Rossiya prezidenti administratsiyasiga yaqin manbalariga tayanib xabar bermoqda.
Manbalarga ko‘ra, administratsiya vakillari yaqinda ekspertlar guruhi bilan tegishli konsultatsiyalarni olib borgan. Hozircha tayyorgarlik dastlabki xususiyatga ega: mafkuraviy tarkib hozircha aniq shakllantirilgani yo‘q, ammo taxmin larga ko‘ra, u birdamlik mavzusiga asoslanadi. Kreml vakillari 2023-yilgi hududiy saylovlarni diqqat bilan kuzatib, bo‘lg‘usi federal saylovlarda ularning tajribasini hisobga oladi.
Prezident saylovlari 2024-yil 17-martda bo‘lib o‘tishi kerak, saylov kampaniyasi esa 2023-yil dekabrida Federatsiya kengashi tomonidan saylov kuni rasman belgilanganidan keyin boshlanadi. Bundan avvalgi — 2018-yilgi prezident saylovi 2017-yil 17-dekabrda belgilangan, Vladimir Putin esa o‘z ishtiroki haqida 6-dekabrda e’lon qilgan edi.
Prezident saylovidan avvalgi so‘nggi hududiy saylovlar 2023-yil sentabriga belgilangan, “Kommersant” manbasi aytishicha, u ancha ko‘p sonli hududlarni o‘z ichiga oladi. Demak, hududiy saylovlarda ham texnologik, ham mazmuniy g‘oyalarni sinab ko‘rib, so‘ng ularni 2024-yilda ham qo‘llash mumkin bo‘ladi. Bu yil kamida 20 ta hududda gubernatorlarning to‘g‘ridan to‘g‘ri saylovlari, 16 tasida esa qonunchilik majlislariga saylovlar bo‘lib o‘tishi kerak.
Izoh (0)