Владимир Путиннинг ўзи 2024 йилги президентлик кампаниясида иштирок этиши ҳақида эълон қилмаган бўлса-да, Кремль ички сиёсий блоки унга тайёргарликни бошлаб юборди, улар сайловлар режалаштирилган муддатларда ва амалдаги давлат раҳбари иштирокида бўлиб ўтишидан келиб чиқмоқда. Бу ҳақда Россия президенти администрациясига яқин манбаларига таяниб хабар бермоқда.
Манбаларга кўра, администрация вакиллари яқинда экспертлар гуруҳи билан тегишли консультацияларни олиб борган. Ҳозирча тайёргарлик дастлабки хусусиятга эга: мафкуравий таркиб ҳозирча аниқ шакллантирилгани йўқ, аммо тахмин ларга кўра, у бирдамлик мавзусига асосланади. Кремль вакиллари 2023 йилги ҳудудий сайловларни диққат билан кузатиб, бўлғуси федерал сайловларда уларнинг тажрибасини ҳисобга олади.
Президент сайловлари 2024 йил 17 мартда бўлиб ўтиши керак, сайлов кампанияси эса 2023 йил декабрида Федерация кенгаши томонидан сайлов куни расман белгиланганидан кейин бошланади. Бундан аввалги — 2018 йилги президент сайлови 2017 йил 17 декабрда белгиланган, Владимир Путин эса ўз иштироки ҳақида 6 декабрда эълон қилган эди.
Президент сайловидан аввалги сўнгги ҳудудий сайловлар 2023 йил сентябрига белгиланган, «Коммерсантъ» манбаси айтишича, у анча кўп сонли ҳудудларни ўз ичига олади. Демак, ҳудудий сайловларда ҳам технологик, ҳам мазмуний ғояларни синаб кўриб, сўнг уларни 2024 йилда ҳам қўллаш мумкин бўлади. Бу йил камида 20 та ҳудудда губернаторларнинг тўғридан-тўғри сайловлари, 16 тасида эса қонунчилик мажлисларига сайловлар бўлиб ўтиши керак.
Изоҳ (0)