Statistik ma’lumotlarga asosan miya saratoniga chalingan odamlar 5 yildan ortiq umr ko‘rmaydi. Kasallik juda tez rivojlanadi, shuning uchun uni erta aniqlash muhimdir. Biroq olimlar tibbiyot olamida kashfiyotga erishib, miya saratoniga qarshi vaksina ixtiro qildi.
Saratonga qarshi yangi vaksina Garvard tibbiyot maktabidagi o‘quv shifoxonasi bo‘lgan Brigham and Women’s Hospital kasalxonasidagi Xolid Shoh laboratoriyasida olib borildi. Tadqiqot davomida olimlar tirik terapevtik saraton hujayralaridan foydalandi. Bu o‘simtalarni kuzatish va ularni aniq nishonga olishda yordam beradi.
Olimlar terapevtik saraton hujayralari samaradorligini sichqonlarda glioblastomani yo‘q qilish orqali sinab ko‘rdi. Glioblastoma markaziy asab tizimidagi saraton o‘simtalarining eng tez o‘suvchi turlaridan biri bo‘lib, u orqa miya va miyaning qo‘llab-quvvatlovchi to‘qimalarida shakllanadi.
Tadqiqotchilar ular yaratgan o‘simta hujayralari nafaqat saraton hujayralarini yo‘q qilishi, unga qarshi uzoq muddatli immunitetni oshirishga ham olib kelishini aytmoqda. Shohning so‘zlariga ko‘ra, tadqiqotchilarning asosiy vazifasi saraton hujayralarini olib, ularni saraton “qotili”ga va vaksinaga aylantirish bo‘lgan. Jarayonda saraton hujayralarini o‘zgartirish uchun genetik muhandislikdan foydalanilgan.
Vaksina odamlarda qanday ta’sir qilishini aniqlash uchun qo'shimcha tadqiqotlar kerak bo'ladi. Biroq buni allaqachon boshlanishi istiqbolli deb aytish mumkin.
Bu kashfiyot butun insoniyat uchun xavfli kasalliklarga qarshi kurashda juda muhimdir. Agar miya onkologiyasiga qarshi vaksina ixtiro qilingan bo'lsa, kelajakda olimlar to'liq samara beradigan davolashni ishlab chiqishiga umid qilsa bo‘ladi.
Mavzuga doir: Amerikalik olimlar narkotikka qarshi vaksina yaratdi
Izoh (0)