Rossiya prezidenti Vladimir Putinning Ukrainadagi urush bo‘yicha ambitsiyalarini past baholash xavfli. Bu haqda NATO bosh kotibi Yens Stoltenberg Norvegiyada bo‘lib o‘tgan biznes konferensiya chog‘ida aytib o‘tdi, deb yozadi Reuters.
“Ular yo‘qotishlar va azob-uqubatlarga qattiq tayyor ekanini namoyish qildi”, — dedi NATO yetakchisi.
Stoltenbergning qayd etishicha, hozircha Putin Ukraina mojarosidagi maqsadlarini o‘zgartirishiga hech qanday belgi yo‘q.
2-yanvar kuni Stoltenberg NATOga a’zo davlatlar Ukrainani uzoq muddatli qo‘llab-quvvatlashga tayyorlanishi kerakligini, chunki Rossiya yon berish niyatida emasligini aytgandi. Uning so‘zlariga ko‘ra, Ukraina Qurolli kuchlarining muvaffaqiyatlari Kiyevning yaqin orada g‘alaba qozonishi haqidagi “illuzyani yaratmasligi kerak”.
Shu bilan birga NATO bosh kotibi Rossiya prezidenti Vladimir Putin yo‘l qo‘ygan ikkita strategik xatoni sanab o‘tgandi.
Stoltenbergning fikricha, Putin Ukraina xalqining jasorati va Shimoliy Atlantika alyansi birligini past baholab, strategik xatoga yo‘l qo‘ygan. NATO bosh kotibi uzoq urishga tayyor bo‘lish kerakligi haqida ogohlantirgan. U Rossiya prezidenti harbiy amaliyotda muvaffaqiyatsizlikka uchraganiga qaramay, Rossiyaning harbiy qudratini past baholash xato hisoblanishini qo‘shimcha qilgan.
Izoh (0)