Rossiyaning Sankt-Peterburg shahrida o‘zbekistonlik ayol bolasi bilan Kichik Neva daryosiga tushib ketdi. Bu haqda 78.ru xabar berdi.
Hodisa 3-yanvar kuni soat 23:00 atrofida Vasileostrovskiy tumanidagi Makarov qirg‘og‘idagi 58-uy yaqinida sodir bo‘lgan. 25 yoshli o‘zbekistonlik ayol qo‘lidagi 4 yashar bolasi bilan daryoga tushib ketgan. Ularni daryo yonidan o‘tayotganlar suvdan olib chiqqan.
Ayol va bolasi kuchli sovqotish oqibatida o‘rtacha og‘irlikda kasalxonaga yotqizilgan. Hozirda hodisaning barcha holatlariga oydinlik kiritilmoqda.
30-dekabrda Rossiyada o‘zbekistonlik 31 yoshli erkak bel sohasidan pichoqlanishi oqibatida vafot etgandi.
28-dekabrda o‘zbekistonlik yana bir erkak Rossiyada noma’lum shaxs tomonidan pichoqlangandi. Hodisa erkak avtobusdan tushayotganida yuz bergan. U o‘g‘ir tan jarohati bilan kasalxonaga yotqizilgan.
20-dekabr kuni Rossiyada yana bir o‘zbekistonlik erkak hamyurti tomonidan pichoqlanishi oqibatida vafot etgandi. Ular birga spirtli ichimlik iste’mol qilgan paytda to‘satdan janjallashib ketgan. Oqibatda 36 yoshli o‘zbekistonlik erkak o‘zining 41 yoshli hamyurtining beliga pichoq bilan jarohat yetkazgan. Shundan so‘ng u voqea joyidan qochib ketgan.
Izoh (0)